रौतहट २३ मंसिर । माधवनारायण नगरपालिका–७ लौकाहामा करेन्ट लागेर शनिबार एक जना मानिसको मृत्यु भएको छ भने एउटा गोरु मरेको छ ।
खेत जोतिरहेका बेला विद्युत्को तार खसेर तारले छुदा बैजुलाल पण्डितको करेन्ट लागेर मृत्यु भएको प्रहरीले जनाएको छ ।
हलो जोतिरहेका बेला नजिकै रहेको ११ हजार भोल्टको तार खसेर करेन्ट लागेपछि पण्डितको ज्यान गएको र गोरु मरेको जिल्ला प्रहरी रौतहटले जानकारी दिएको छ ।
घटना पछि जिल्ला प्रहरीबाट प्रहरी निरीक्षक झलक शर्माको टोली पुगेर घटनाको अनुसन्धान गरेका छन ।
‘विद्युतको पोलबाट नांगो तार खेतमा खसेर मानिसको ज्यान गएको बिषयमा अनुशन्धान भैरहेको प्रहरी निरीक्षक शर्माले बताए ।
खेत जोतिरहेका किसान र गोरुको करेन्ट लागेर मृत्यू
