रौतहट, २७ मंसिर । दुर्गा भगवती गाउँपालिका वडा नम्वर ४ मा मंगलवार एक दिने निशुल्क आँखाको शिविर सम्पन्न भएको छ ।
डक फाउण्डेशनको आर्थिक सहयोगमा नेपाल नेत्र ज्योती संघ, गौर आँखा अस्पतालको आयोजनामा मंगलवार एक दिने निशुल्क शिविर सम्पन्न भएको हो ।
आँखा शिविरमा ९७ जना पुरुष, ७६ जना महिला गरेर १ सय ७३ जना आँखाको विरामीहरुले आँखाको परिक्षण गराएको शिविरका कार्यक्रम संयोजक सत्येन्द्र पाण्डेले जानकारी दिएका छन । निशुल्क शल्यक्रियाको लागी ८३ जना छनौट भएका छन।
उनीहरु लाइ नेपाल नेत्र ज्योती संघ गौर आँखा अस्पतालमा निशुल्क मोतिबिन्दुको शल्यक्रिया गरिने संयोजक पाण्डले जानकारी दिए ।
पाण्डेका अनुसार दुर्गा भगवती गापा ४ का वडाध्यक्ष रामानन्द यादवको विशेष पहलमा शिविर आयोजना हो ।
आँखा शिविर सम्पन्न,८३ जनामा मोतीबिन्दु
