रौतहट ३ पुस । श्री ब्रहम ज्योति मा.वि. लौकाहा पोखरिया परोहामा रेडक्रस अभियान अभिमुखिकरण सम्पन्न भएको छ ।
विधालयका प्रधानाध्यापक अरूण कुमार यादवको अध्यक्षता र गौर शाखाका मन्त्री धर्मेन्द्र प्रसाद सिहको प्रमुख आतिथ्यमा कार्यक्रम भएको हो ।
रेडक्रस अभियान अभिमुखिकरण भेलाले समीर रहमीको अध्यक्षतामा सर्कल तीन जना आमन्त्रित सदस्य रहने गरि युवा रेडक्रस सर्कल पुर्न गठन गरेको छ।
कार्यक्रममा बिशिष्ठ अतिथि पुर्व प्रधानाध्यापक, परोहा न.पा.का शिक्षा स्रोत व्यक्ति सुदामा राय यादवले विद्यार्थी वर्गमा सेवा कार्यको महत्त्व अतिरिक्त क्रियाकलापमा संलग्नताको उपलब्धि बारे चर्चा गरेका छन ।
सोही अवसरमा परोहा नपाका शिक्षा प्रमुख कृष्ण प्रसाद कलवार, शाखाको उपमन्त्री हसरे आलम लगाएतले शुभकामना दिएका छन । कार्यक्रमको संचालन शिक्षक बच्चु यादवले गरेका थिए ।
