रौतहट २० मंसिर ।रौतहटको विभिन्न सडकहरुमा किसानले धानको बोझा थुपारेर राख्दा किसानहरुले यसरी मुख्य सडकमै धानको भारी थुपारी राखेका कारण सवारी दुर्घटनाको जोखिम बढेको देखिएको छ ।
जिल्लाको विभिन्न गाउँ तथा बजार क्षेत्रको सडकमा किसानले धान राख्ने गरेकाले सवारी दुर्घटनाको जोखिम बढेको सवारी चालकहरु बताउछन ।
सडकमा किसानहरु धान थ्रेसर लगाउने, बाटोमै धान र पराल थुपार्ने गरेकाले सवारी साधनको आवागमनमा समस्या हुने गरेको चालकहरुको भनाइ छ ।
किसानहरुले खेतमा थ्रेसर नलगाई मान्छे र सवारी हिँडने सडकमा धान झार्न थ्रेसर लगाउने गरेको कारण बाटो हिँडनेको आँखामा धुलो परेर हिँड्न समेत समस्या हुने गरेको स्थानीयको भनाइ छ ।
जयनगर देखि गोनाहीसम्मको सडकको दुबैतर्फ पराल र धानको बोझा राखिएको छ
त्यस्तै बृन्दावन, गरुडा, गढिमाई, वृन्दावन, कटहरिया, देवाहीगोनाही, मौलापुर लगायतका दर्जन पालिकाको विभिन्न सडकमा किसानले धान राख्ने गरेका कारण आवत जावत गर्न समस्या हुने गरेको गुनासो छ ।
धान काटेर बाटो र सडकमै राख्दा दुर्घटनाको जोखिम
