रौतहट २९ मंसिर । गौर नगरपालिकाका मेयर प्रत्यासी तथा नेपाली काग्रेस गौर नपा सभापती मोहन यादवले जिल्ला प्रहरी कार्यालय रौतहट लाई पुस्तकहरु सहयोग गरेका छन ।
हिरासत कक्षमा थुनुवा तथा प्रहरी कर्मचारीहरुको लागी संचालनमा रहेको पुस्तकालयलाई थप व्यवस्थित तथा प्रभावकारी बनाउनका लागी उपन्यास , कबिता ,जिवनी ,अंग्रेजि भाषा लगायतका बिभिन्न बिधाका १ सय ५७ थान पुस्तकहरु हस्तान्तरण गरिएको छ ।
गौर नगरपालिकाका मेयर प्रत्याशी मोहन यादवले जिल्ला प्रहरी कार्यालय पुगेर जिल्लाका प्रहरी प्रमुख महेन्द्र कुमार श्रेष्ठलाई पुस्तक हस्तान्तरण गरेका हुन ।
हिरासत कक्षमा रहेका थुनुवाहरुको ज्ञान, चेतना र सिर्जना फैलाउने उद्देश्यले पुस्तक हस्तान्तरण गरिएकाले यादवले बताएका छन ।
प्रहरी हिरासतलाई जीवन काँडा कि फूल, एक मिनेट, जीवन परिर्वतन, सबै जातकोे फुलबारी, रोमाञ्चित जीवन, दशगजामा उभिएर, लु, तयारीको जित, फुलको आँखा लगायतका पुस्तक प्रदान गरिएको छ ।
हिरासतमा बसेर खाली समय बिताइरहेका थुनुवालाई समयको सदुपयोग गर्ने वातावरण निर्माण गर्दै उनीहरुको खराब मानसिकतामा सकरात्मक परिवर्तन ल्याउनका लागि पुस्तकालयको अवधारणा अघि सारिएको प्रहरी उपरिक्षक श्रेष्ठले बताएका छन ।
