रौतहट २८ असचन्द्रनिगाहपुर सिटी जेसिसको आयोजनामा साहित्यसँग जेसिस कार्यक्रम सम्पन भएको छ।
सो साहित्यिक कार्यक्रममा चर्चित कवि मनु मञ्जिल र गजलकार प्रदिप ‘रोदन’ले आफ्ना चर्चित रचनाहरू वाचन गरेका छन ।
कवि मनु मञ्जिलले आफ्नो गांउठाउँमा निकै समयको अन्तरालमा साहित्य कार्यक्रम उपस्थित हुन पाउँदा निकै खुशी लागेको बताउँदै चन्द्रपुर साहित्यको उर्भर भूमि रहेको स्मरण गरेका छन।
उनले साहित्यले चन्द्रपुरलाई विश्वमा चिनाउन मद्दत गर्ने भन्ने नव साहित्यकारलाई मेहनतका साथ निरन्तर लाग्न सुझाए । गजलकार रोदनले चन्द्रपुरमा साहित्य प्रेमीहरु देखेर निकै उत्साहित भएको चर्चा गर्दै चन्द्रपुरको माया सदैव आफ्नो मन मुटुमा रहिरहने बताए ।
कार्यक्रममा मनु मञ्जिल , प्रदिप रोदन, डा. शालिग्राम शर्मा, अनन्त कोइराला, माधव काफ्ले र हरिकृष्ण काफ्ले र चन्द्रपुरका नगर प्रमुख संजय काफ्लेलाई सम्मान गरेको कार्यक्रम संयोजक श्यामहरि चौलागाईले जानकारी दिए । चन्द्रपुरका साहित्य मनहरुलाई सम्झेर चन्द्रनिगाहपुर सिटी जेसिसले यो कार्यक्रमको आयोजना गरिएको बताए ।
उनले चन्द्रनिगाहपुर सिटी जेसिसले सदैव सामाजिक कार्यहरु गर्दै आइरहेको स्मरण गर्दै युवालाई सामाजिक क्षेत्रमा ल्याउन जेसिस लागिरहेको बताए।
