रौतहट २० असोज । घरेलु मदिरा बनाउने भट्टी राजपुर, मौलापुर र परोहा नपामा प्रहरीले नष्ट गरेको छ ।
जिल्ला प्रहरी कार्यालय रौतहट तथा मातहतबाट खटिएको प्रहरी टोलीले जिल्ला रौतहट परोहा न.पा. वडा नं. ५, र राजपुर न.पा. ५, यस्तै मौलापुर न.पा. ९ मा अवैध रुपमा संचालन गरेको घरेलु मदिरा उत्पादन गर्ने भट्टीहरु नष्ट गरेको छ ।
घरेलु मदिरा बनाउने ८ वटा तथा तयारी मंदिरा ५ सय ६० लिटर र मदिरा बनाउने कच्चा पदार्थ ३ हजार २ सय लिटर बरामद गरि नष्ट गरेको छ ।
स्थानिय भद्रभलादमीको रोहवरमा मदिरा उत्पादन गर्ने मेसिन ६ थान ,भाडाकुडा ११ थान तथा ड्रमहरु १० थान बरामद गरेको रौतहटका प्रहरी नायव उपरीक्षक दामोदर के.सी.ले जानकारी दिएका छन ।
