रौतहट २४ असोज । चन्द्रपुर नगरपालिका वाड न ४ मा रहेको बसन्त पंचमी आधारभुत बिद्यालयमा अध्ययनरत बिद्यार्थीहरुलाई स्कूल ड्रेस बितरण गरिएको छ ।
चन्द्रपुर नगरपालिकाका मेयर संजय काफलेले विद्यार्थीहरुलाइ स्कुल ड्रेस हस्तान्तरण गरेका हुन ।
स्कुल ड्रेस हस्तान्तरण गर्दै मेयर काफलेले चन्द्रपुर नगरपालिकामा शिक्षा क्षेत्रको बिकाशको लागी योजनाबद्ध रुपमा काम भइरहेको बताएका छन ।
स्वयम सेवक शिक्षक भर्ना देखी लिएर विद्यालयका भौतिक संरचनाका कामहरु योजनाबद्ध रुपमा भइरहेको मेयर काफ्लेको भनाइ रहेको छ ।
सो स्कुल ड्रेस हस्तान्तरण कार्यक्रमका चन्द्रपुर नगरपालिका वाड न ४ का अध्यक्ष रबि राना मगरले शिक्षा क्षेत्रको विकाशको लागी वार्ड स्तरबाट पनि काम भइरहेको जानकारी दिए ।
भौतिक पुर्वाधारको बिकाश तथा शिक्षाको गुणस्तरको लागी शिक्षकहरु थप गर्ने काम भइरहेको वडा अध्यक्ष रानाले बताएका छन ।
बसन्त पंचमी आधारभुत विद्यालयका २ सय ६० जना विद्यार्थीहरुलाइ स्कुल ड्रेस हस्तान्तरण गरेको विद्यालयका प्रधानाध्यापक राम प्रमेश पटेलले जानकारी दिएका छन ।
ड्रेस बितरण कार्यक्रममा वडा सदस्य बिनोद सिटौला , शिक्षक शिक्षिकाहरु, अभिभावक, बिधार्थी उपस्थित रहेका थिए ।
