रौतहट, २८ असोज । सशस्त्र प्रहरीले बेवारिसे अवस्थामा बरामद गरेको कुखुराको चल्लालाई शनिवार नष्ट गरेको छ ।
गौर नगरपालिका २ बकैया नदीको पुर्वी बाँध भएर नेपाल तर्फ आउदै गरेको मोटरसाइकललाई रोक्न खोज्दा मोटरसाइकल छाडी भारत तर्फ भागेपछि सशस्त्र प्रहरीको गौैर विओपीबाट खटिएको गस्ती टोलीले विहान बेवारिसे कुखुराको हुर्किएका चल्ला सहित मोटरसाइकल बरामद गरेको हो ।
बरामद गरिएको चल्लालाई पशु क्वारेन्टाइनका प्रमुख, संचारकर्मी, स्थानीय भद्रभलादमीको रोहबरमा खाल्डोमा पुरेर नष्ट गरिएको सशस्त्र प्रहरी बल नेपाल ११ नम्वर गण रौतहटले जनाएको छ ।
बरामद भएका मोटरसाइकललाई आवश्यक कारवाहीका लागि गौर भन्सार कार्यालयमा दाखिला गरिएको सशस्त्र प्रहरी बल नेपाल ११ नम्वर गणले जनाएको छ ।
भारत बाट ल्याएको चल्ला नष्ट
