रौतहट २० असोज । केही दिनदेखि रौतहटमा देखा परेको जंगली हात्तिले चन्द्रपुर नगरपालिकाको विभिन्न वडाहरुमा बाली क्षति गरेको छ ।
चन्द्रपुर नगरपालिका वडा नं. २ नयावस्तीका आस बहादुर पाख्रिनको घरमा क्षति पुर्याएको छ ।
जंगली हात्तिले पाख्रिन सुुतेको एक तले घर मा क्षेती पुर्याएको छ ।
गाउलेहरुले होहल्ला गरेपछि राति नै हात्ति नयाबस्तीबाट नर्सरीतर्फ प्रवेश गरेर हात्तिसार नजिकबाट खोला तरेर चन्द्रज्योति सामुदायिक वन क्षेत्र तर्फ गएको छ ।
किसानहरुले लगाएको धानबाली कुल्चिएर क्षति पुर्याएको चन्द्रपुर नगरपालिका वडा नं. २ का स्थानीय बद्री आचार्यले बताए ।
हात्तिले चन्द्रपुर वडा नं. २ रैयाटोलमा केरा खेती र धानबाली नष्ट गरेको छ ।
केहिदिन अघि हात्तीले चन्द्रपुर नगरपालिका वडा नं. ४ का किसानहरुको धानीबाली नष्ट गरेको थियो । त्यसैगरी वडा नं. ३ का किसानहरुको धान तथा केरा बालीमा क्षति पुर्याएको वडा अध्यक्ष बोधनाथ देवकोटाले जानकारी दिएका छन ।
बस्तिमा देखा परे जंगली हात्ती, धान र केरा बालीमा क्षेती
