रौतहट २२ असोज । एक साता अघि देखि परेको बेमौसमी बर्षाका कारण रौतहटमा धान खेती गरेेका किसान मर्कामा परेका छन ।
बर्षाका कारण किसानले काटेर राखेको धान र काट्न ठिक्क भएको धानलाइ असर परेको छ ।
मौसममा सुधार आएर खेतमा जमेको पानीले निकाश पायो भने डुबेका धानबाली जोगिने किसानहरुले बताएका छन ।
असोजको पहिलो साता देखिको बेमौसमी वर्षाका कारण रौतहटमा काटेर भित्र्याउन ठिक्क पारिएको धानबाली नष्ट भएको छ ।
अविरल वर्षाका कारण जिल्लाका विभिन्न भागमा भित्र्याउन लागिएको धानबाली नष्ट भएको छ भने पाकेको धानबाली डुबानमा परेका छन् ।
जिल्लामा ३५ हजार हेक्टर हाराहारी जमिनमा धान खेती हुने गरेको छ ।
