रौतहट , २५ असोज /परोहा नगरपालिका ४ स्थित श्री ब्रह्म ज्योती माध्यमिक विद्यालय लौकाहामा बुधबार अन्तर विद्यालय चित्रकला प्रतियोगिता सम्पन्न भएको छ ।
पिपल इन निड तथा असमान नेपालको समन्वयमा परोहा नगरपालिका शिक्षा, युवा तथा खेलकुद शाखाले १२ औं अन्तर्राष्ट्रिय बालिका दिवसको अवसरमा प्रतियोगिता आयोजना गरेको हो ।
आयोजित प्रतियोगितामा नगरपालिका अन्तर्गत रहेको ६ वटा माध्यमिक विद्यालयको बालिकाहरुको सहभागीता रहेको थियो ।
प्रत्येक बिधालय बाट प्रत्येक प्रतियोगितमा २ जनाको दरले जम्मा २४ जना सहभगी भएका थिए।
चित्रकला प्रतियोगिताको लागि कक्षा ८ देखि १० मा अध्ययनरत्त प्रत्येक बिधालयबाट २ जाना बालिका गरि १२ जनाको सहभगिता थियो ।
बालिकाको अधिकारमा लगानी : हाम्रो नेतृत्व हाम्रो कल्याण भन्ने नाराको साथ आयोजित प्रतियोगितामा उत्कृष्ट स्थान(प्रथम, दुतिय, तृतीय) हाँसिल गर्ने छात्राहरु विभिन्न शैक्षिक सामग्रीबाट पुरस्कृत गरिएको आसमान नेपालका शिक्षा अधिकृत अरबिन्द कुमार साह ले जानकारी दिएका छन ।
कार्यक्रममा परोहा नगरपालिकाका प्रमुख प्रशासकिय अधिकृत मो. महफुज अहम्द , योजना शाखा, शिक्षा शाखा, ६ वटै बिधालयका प्रध्यानाध्यापक,बिधालयका शिक्षक शिक्षिका तथा आसमान नेपालका कर्मचारीहरुको उपस्थिती रहेको थियो।
