रौतहट ५ कार्तिक /जंगली हात्तीको आक्रमणबाट रौतहटमा एकजनाको मृत्यु भएको छ भने २ जना घाइते भएका छन। जिल्लाको चन्द्ररपुर नगरपालिका वडा नं ५ स्थित राजपैडा घर भएकी ५५ वर्षीया मनीया धामीको जंगली हात्तीको आक्रमणबाट मृत्यु भएको स्थानियले बताएका छन।
शनिबार दिउँसो घाँस लिन चाँदीनदी पारी रामलाल वृन्दावन साझेदारी वन क्षेत्रमा गएकी धामी को घटनास्थलमै ज्यान गएको इलाका प्रहरी कार्यालय चन्द्रपुरले जनाएको छ ।
अन्य दुईजना जंगली हात्तीको आक्रमणबाट घाइते भएका छन् । घाइते हुनेहरुमा राजपैडा की ५३ वर्षीया अघनिया देवी चौधरी र ६० वर्षीया पनाबती देवी रहेका छन्। उनिहरुको उपचार स्थानिय अस्पतालमा भैरहेको छ ।
जंगली हात्तीको आक्रमणमा परी ज्यान गुमाएकी महिलाको सेना, प्रहरी, बनका कर्मचारी लगायत स्थानीयको सहयोगमा शव उद्दार गरेकाे प्रहरीले जनाएको छ।
