रौतहट,१० कार्तिक । काठमाडौं बाट रौतहटको पिप्रा बजार तर्फ आउदै गरेको बसको ठक्करबाट एकजनाको ज्यान गएको छ ।
बसको ठक्करबाट अन्य दुइजना घाईते भएकाे प्रहरीले जनाएको छ।
बा ६ ख १४६३ नम्बरको बडिगार्ड नामको बसले बिहान साडे पाच बजेको समयमा बाधवनारायण नरपालिका ६ स्थित आफ्नो घर अगाडिको आगनमा घुर तापेर बसेका ६५ बर्षिय ब्रम्हदेव दास तत्मालाई ठक्कर दिएको थियो ।
उनको घटना स्थलमै ज्यान गएको जिल्ला प्रहरी कार्यलय गौर रौतहट ले जनाएको छ ।
तत्मालाई ठक्कर दिएपछि बस अनियन्त्रित भएर स्थानीय फेकु दासको फुसको घर भत्काएको छ । ठक्करबाट घरमा सुतिरहेका ५५ बर्षका फेकु दास र उनकी श्रीमती सुमित्रा देबी घाईते भएका छन ।
दुबै जना घाईतेहरुको गौर अस्पतालमा उपचार भईरहेको छ । ठक्कर दिने बस र चालकलाई जिल्ला प्रहरी कार्यालय गौर रौतहटले नियन्त्रणमा लिएको छ ।
बसको ठक्कर बाट एक जनाको ज्यान गयो
