रौतहट, १७ भदौं । एक बालिकालाई अपहरण गरेको आरोपमा रौतहट प्रहरीले दुई जनालाई नियन्त्रणमा लिई अनुसन्धान सुरु गरेको छ ।
माधवनारायण नगरपालिका वडा नम्वर ५ बस्ने अबधेशकुमार महतोको ९ बर्षिया छोरी खुश्बु कुमारी महतोलाई गत १४ गते साँझ घर छेउबाटै हराएपछी खोजतलास गर्दै जाँदा छिमेकीले नै अपहरण गरेको खुल्न आएपछि शुक्रवार साँझ इलाका प्रहरी कार्यालयलाई जानकारी गराएका थिए ।
शनिवार विहान ५ बजेको समयमा बोरामा बाधिएको अवस्थामा खुश्बु फेला परेको बुवा अबधेशकुमार महतोले बताए ।
छोरीलाई छिमेकी रंजित साह र नरेश साहले अपहरण गरेर विक्री गर्नका लागि भारत पुर्याएकाे आरोप छ ।
दुबै आरोपित विरुद्ध अपहरण तथा शरीर बन्धक मुद्दामा कारवाही गर्न जाहेरी इलाका प्रहरी कार्यालय गरुडामा दिइसकेको पिडित परिवारले जनाएको छ ।
जिल्ला प्रहरी कार्यालय रौतहटका एसपी विरबहादुर बुढा मगरले दुई जना आरोपित लाई नियन्त्रणमा लिएर आवश्यक अनुसन्धान भईरहेको जानकारी दिएका छन ।
बालिका अपहरण को आरोपमा दुइजना पक्राउ
