रौतहट, ६ असोज । भारत बाट नेपाल भित्रिएको लाखौं मूल्य बराबरको भन्सार छलीका सामानहरु सशस्त्र प्रहरीले रौतहटमा बरामद गरेको छ ।
सशस्त्र प्रहरी बल नेपाल नम्वर ११ गण रौतहटबाट खटिएको टोलीले गौरबाट चन्द्रपुर तर्फ गइरहेका प्रदेश ३–०३००१ ख ०१२३ र प्रदेश २–०१००६ ख ५४३४ नम्वरको यात्रुबाहक बसलाई चेकजाँच गर्ने क्रममा एलइडी घडी ३ हजार ६ सय ५५ थान र एलइडी लाइट ४ सय ९० थान बरामद गरिएको रौतहटका सशस्त्र प्रहरी उपरिक्षक माधव रेग्मीले जानकारी दिएका छन ।
यात्रुबाहक बसलाई चेकजाँच गर्न सशस्त्र सुरक्षा बेस क्याम्प सन्तपुरबाट खटिइको टोलीले ७ लाख ८० हजार मूल्य बराबरको एलइडी घडी र एलइडी लाइट बरामद गरेको हो ।
बरामद गरिएको एलइडी घडी र एलइडी आवश्यक कारवाहीको लागि गौर भन्सार कार्यालयमा बुझाईएको छ ।
भन्सार छलिको समान सशस्त्र प्रहरी द्वारा बरामद
