रौतहट २२ भदौ । चन्द्रनिगाहपुर स्थित शेर बहादुर दर्लामी स्मृति खेल मैदानमा विहिबार भएको मैत्रीपुर्ण फुटबल प्रतियोगीतामा पत्रकार समुहको टिम विजयी भएको छ । चन्द्रपुर सिटि जेसिज वर्ष२०२३ को जेसिज सप्ताह अर्न्तगत विहिबार फुटबल प्रतियोगीताको आयोजना गरिएको थियो ।
प्रतियोगीताका कार्यक्रम संयोजक जेसि जिवन कटुवालले मैत्रीपूर्ण फुटबल प्रतियोगीता चन्द्रपुरका पत्रकारहरु र चन्द्रपुर नगर उद्योग वाणिज्य संघ मा आबद्ध व्यवसायिहरु बीच भएको थियो ।
मैतिपुर्ण खेलमा पत्रकार समुहले व्यापारी समुहलाई ४-० गोल अन्तरले पत्रकार समुह विजयी भएको चन्द्रपुर जेसिज २०२३ का अध्यक्ष चिरञ्जिवी गौतमले जानकारी दिएका छन् ।
सो फुटवल खेलमा पत्रकार समुहको तर्फबाट संजय कार्कीले १ गोल , विकास तिमल्सिनाले २ गोल र शिव पुरीले १ गोल गरेका थिए ।
चन्द्रपुर सिटी जेसिजको नियमित सप्ताह कार्यक्रम अन्तरगत यस बर्षको जेसिज सप्ताह कार्यक्रम शुक्रबार सडक नाटक कार्यक्रम गरेर समाप्त हुने समेत अध्यक्ष गौतमले जानकारी दिए ।
