रौतहट १६ जेठ । केहिदिन अघि मौलापुर नगरपालिका वडा नं. ५ रामबालक पटेलको घरमा चोरी भयो ।
घरको मुल ढोकाको ताला काटी घर भित्र रहेको करिब १ लाख बराबरको धन माल चोरी भएको छ । मसुरी ५ क्वीन्टल, गहु १५ क्वीन्टल, बिद्युत मोटर २ थान, बिद्युत मीटर १ थान लगायत अन्य सामाग्री चोरी भएको घरधनी रामबालक पटेलले जनाएका छन।
उक्त घरबाट पटकपटक चोरी भएको र केही दिन अघि बद्री मार्केटबाट तीन थान मोटरसाइकल चोरी भएको थियो ।एक थान मोटरसाइकल फेला परेको थियो ।
मौलापुर इलाका प्रहरी कार्यालयले चोरीका घटनाहरुमा चासो नलिएको स्थानियको गुनासो छ ।
रातिको समयमा प्रहरीले गस्ति नगरी मौलापुर नगरपालिकाको आइ. टी. चौकमा मात्र बस्ने गरेकाले चोरीको घटना बढेको गुनासो छ ।
आजपाका अध्यक्ष तथा संघिय सांसद प्रभु साहले प्रहरी इनिस्पेक्टर कै मिलेमतोमा मौलापुरमा व्यापक चोरी भएको सामाजिक संजालमा लेखेका छन ।
