चन्द्रपुर १४ जेठ । रौतहटको चन्द्रनिगाहपुर मेनचोकमा जेठ १५ गते बृहत रक्तदान कार्यक्रम हुने भएको छ ।
नेपाल रेडक्रस सोसाइटी चन्द्रनिगाहपुर उपशाखाको आयोजनामा बृहत रक्तदान कार्यक्रम गर्न थालिएको हो । रक्तदान जिवन दान भन्ने मुल नाराका साथ रेडक्रस चन्द्रनिगाहपुरले रक्तदान कार्यक्रमको आयोजना गरेको नेपाल रेडक्रस सोसाइटी चन्द्रनिगाहपुर उपशाखाका सभापति श्रीकृष्ण प्रसाद अधिकारीले बताए ।
अस्पतालमा रगतको कमी भएको खबर आएपछि रक्तदान कार्यक्रमको आयोजना गरेको सभापति अधिकारीले बताएका छन ।
रक्तदान जस्तो पबित्र कार्यमा सक्रिय भएर सहभागी हुन सभापति अधिकारीले ब्यबसायी,उधोगी,समाजसेवी,राजनितिककर्मी,राष्ट्रसेवक कर्मचारी,बैकका कर्मचारी,शिक्षक,बिद्यार्थी लगायत सरोकारवालाहरुलाइ आग्रह गरेका छन ।
रक्त संचार केन्द्र गौरको प्राबिधिक सहयोगमा र रेडक्रस रोतहट शाखाको सहयोगमा उक्त रक्तदान कार्यक्रम आयोजना हुने भएको छ ।
चन्द्रपुर चौकमा जेठ १५ गते रक्तदान कार्यक्रम हुने
