राैतहट ३ बैसाख । गाेली चलाएको घटनामा प्रहरीले गढिमाईबाट १६ जनालाई हिरासतमा लिएको छ ।
शनिबार बाटो विस्तार गर्ने बिषयमा गढीमाई नगरपालिका–८ धोबिनियामा बिवाद हुँदा गोली लागेर ५० वर्षीय रामकुमार राय यादवको मृत्यु भएको थियो ।
सो घटनामा संलग्न भएको आरोपमा १६ जनालाई नियन्त्रणमा लिइएको जिल्ला प्रहरी कार्यालय रौतहटका प्रवक्ता प्रहरी नायव उपरीक्षक (डीएसपी) उमाशंकर यादवले जानकारी दिएका छन ।
घटनामा संलग्न भएको आशंकामा स्थानीय रामसेवक राय, लालबाबु यादव, दिनेश यादव, मिथिलेश यादव, विनेश यादव, बच्चा गिरी, श्याम यादव, प्रदीप यादव, उमेश यादव लगायत पक्राउ परेका छन् ।
उक्त घटनामा निरन्जन राय यादव, प्रताप यादवसहित ४ जना घाइते भएका थिए ।
सडक विस्तारका क्रममा झडप हुँदा गोली लागेर स्थानीय ५० वर्षीय रामकुमार राय यादवको मृत्यु भएको थियो ।
घटनापछि अधिकांशले गाउँ छोडेकाे बताइएको छ ।
मृतक यादवको शव परिवारले बुझ्न मानेको छैन । उनको शव अस्पतालमा राखिएको छ ।
धोबिनिया टोलको साँघुरो बाटोलाई गढीमाई नगरपालिकाले चौडाइ गर्ने क्रममा स्थानीयबीच विवाद हुँदा घटना भएको प्रहरीले जनाएको छ ।
बाटो विस्तार गर्ने क्रममा बाटो छेउका रामइश्वर राय र राजकुमार यादव पक्षबीच विवाद हुँदै आएको थियो । दुबै पक्षले आफ्नो जग्गा बाटोमा पर्न नहुने भन्दै विगत केही दिनदेखि विवाद गर्दै आएका थिए ।
गढीमाइ गाेली प्रकरण: १६ जना पक्राउ
