रौतहट १ चैत । मौलापुर नगरपालिकाको पथराबुधराम टोलमा गएको मंगलबार दुइजना बिच बिवाद हुँदा एक जनाको मृत्यु भएको थियो ।
गत फाल्गुन २३ गते मंगलबार राति ८ः३० बजेको समयमा साहेब महतो नुनियाले आफ्नो घरमा ठूलो आवाजमा अश्लील गीत डिजे बाजा बजाई हो हल्ला गर्दै बजिरहेको डिजे बाजाको नजिकमा साहेब महतोको घर परिवारका स–साना वालक र नरेश महतोको १५ वर्षीय छोरा भोला महतो समेतले नाँचगान गरी रहेकाेमा वालकहरु विचमा झगडामा हो–हल्ला समेत भई सामान्य कुटाकुट भएको थियो ।
उक्त समान्य बिवाद पछि गाउँलेहरु बसेर मिलाएका थिए । अर्को दिन नरेश महतो भैंसी लिएर आफ्नो घर तर्फ आईरहेको बेला साहेब महतोको घर नजिकको बाटोमा नरेश महतो पुग्नासाथ कुटपिट गरेको मृतक नरेशको आफन्तको आरोप छ ।
साहेब महतोको निर्देशनमा लक्ष्मण महतो, रामु महतोले बाँसको लाठीले कुटपिट गरेको मृतक नरेश का आफन्तहरुको आरोप छ ।
।गम्भीर घाईते महतोलाई स्थानिय मौलापुरमा रहेको शान्ति सेन्ट्रल हस्पिटलमा सामान्य उपचारपछि डाक्टरले बिरगंज रिफर गरेएका थिए ।
घाइते लाई एम्बुलेन्समा लैजाने क्रममा बारा जिल्लाको आर्दश कोतवाल गाउपालिका अन्तर्गत पर्ने लंगडा चौक नजिक बाटोमै नरेश महतोको मृत्यु भएको नरेशका बताएका छन ।
आफुहरु माथी अन्याय अत्याचार भएको पिडित गायत्री देवीले दुखेसो पोखिन् ।
बिना कारण पतिलाई निर्मम कुटपिट गरि हत्या गर्ने लाई कडा कार्वाही गर्न गायत्रीले माग गरेकी छिन ।
दोषिलाइ अबिलम्ब कार्वाहि गर्न मृतकका भाइ रमन महतोले प्रहरी संग माग गरेका छन ।
दोषि माथी कडा कार्वाही होस : पिडित गायत्री
