रौतहट ५ चैत । संचारकर्मी तथा कराते खेलाडी अशोक कुमार पहाडीलाई नेपाल सितोरिया कराते संघ महोत्तरीले सम्मान गरेको छ ।
पहाडी पत्रकारितासंगै करातेका कुशल खेलाडी पनि हुन । पछिल्लो समय सितोरिया करातेका निर्णयक तथा प्रशिक्षक को भुमिकामा रहदै आएका छन ।
पहाडी रौतहटको चन्द्रपुरबाट प्रकाशन हुने तराई एक्स्प्रेस दैनिकका प्रबन्धक निर्देशक , नया पत्रिकाका रौतहट संवाददाता हुन ।
आइतबार नेपाल सितोरिया कराते संघ महोत्तरीले रौतहटका पहाडीसंगै ५ जनालाई सम्मान गरेको छ । कराते महासंघ मधेश प्रदेशको फागुन २० गते सम्पन्न भेलाबाट चयन भएका ५ जना पदाधिकारीहरुलाई सम्मान गरेको संघका महोत्तरी अध्यक्ष देव कुमार लामाले जानकारी दिए ।
महाेतरी क्षेत्र नम्बर १ प्रदेश सभा (क) का प्रदेश सभा सदस्य शारदा देवी थापाकाे प्रमुख आतिथ्यमा भएको कार्यक्रममा नेपाल सितारियाे कराँते महासंघ मधेश प्रदेश समितिका अध्यक्ष, वरिष्ठ उपाध्यक्ष, उपाध्यक्ष, सचिव र काेषाध्यक्ष गरि ५ जना नव निर्वाचित पदाधिकारीहरुलाई सम्मान गरिएको आयाेजकले जनाएको छ ।
सम्मानित हुनेमा नेपाल सितारियाे कराँते महासंघ मधेश प्रदेशका नव निर्वाचित अध्यक्ष राम चन्द्र ठाकुर, वरिष्ठ उपाध्यक्ष अशाेक कुमार पहाडी, उपाध्यक्ष जिवछ भगत, सचिव कसम लामा र काेषाअध्यक्ष पाल्छाङ याेन्जन रहेका छन ।
नव निर्वाचित पदाधिकारीहरुलाइ महाेतरी क्षेत्र नम्बर १ प्रदेश सभा (क) का प्रदेश सभा सदस्य थापाले सम्मान पत्रका साथ सम्मान गरीएको नेपाल सितारियाे कराँते संघ महाेतरीका सचिव जीवन कुमार लामाले जानकारी दिएका छन ।
