रौतहट ७ चैत । भन्सार छलेर भित्राएको कपडा प्रहरीले बरामद गरेको छ ।
प्रहरी टोलीले जिल्ला रौतहट चन्द्रपुर न.पा. वडा नं ४ स्थित चन्द्रनिगाहपुर गौर सडक खण्डमा चेक प्वाईन्ट राखेर सवारी सवारी साधनहरु चेकजाँच गर्ने क्रममा दक्षिण बाट उत्तर तर्फ आएको बसको डिकी चेकजाँच गर्दा भारतबाट अवैध रुपमा भन्सार छली ल्याएको लेगिज,टप्स र विभिन्न साईजका सेरवानी बरामद गरेको छ ।
सात लाख सन्तानब्बे हजार तिन सय बराबरको लत्ता कपडाहरु आवश्यक कारवाहीको लागि राजश्व अनुसन्धान कार्यालय पथलैया,बारा बुझाईएको जिल्ला प्रहरी कार्यालय रौतहटले जनाएको छ ।
