चन्द्रपुर २६ फागुन । नेपाल विद्युत प्राधिकरण चन्द्रनिगाहपुर शाखाले ७ करोड रुपैया भन्दा बढी सडक बत्तीको बक्यौता महसुल बाकी रहेको जनाएको छ ।
नेपाल बिधुत प्राधिकरण चन्द्रनिगाहपुर शाखा मा पर्ने ५ वटा नगरपालिकाको सडक बत्तिको महसुल रकम ७ करोड भन्दा बढी देखिएको हो ।
प्राधिकरण चन्द्रनिगाहपुर शाखाका प्रमुख धिरेन्द्र यादबका अनुसार चन्द्रपुर,गुजरा,बृन्दावन,गरुडा र फतुवा बिजयपुर नगरपालिकाले सडक बत्ति बालेका छन ।
सबैभन्दा बढी चन्द्रपुर नगरपालिकाको १ करोड ९१ लख ५५ हजार ७६ रुपैया बक्यौता देखिएको कार्यालय प्रमुख यादबले जानकारी दिए ।
यसैगरी गुजरा नगरपालिकाको १ करोड ८७ लाख २३ हजार ६८६ रुपैया,बृन्दावन नगरपालिकाको १ करोड ३० लाख २९ हजार ८३० रुपैया,गरुडा नगरपालिकाको ७१ लख २२ हजार ३७१ रुपैया र फतुवा बिजयपुर नगरपालिकाको ८ लाख १५ हजार ९५८ रुपैया गरी जम्मा ५ करोड ९६ लाख ४६ हजार ९२२ रुपैया सावा बाकी रहेको प्रमुख यादबले जानकारी दिएका छन । पाच पालिकाको सो रकमको २५ प्रतिशत हर्जाना सहित जम्मा ७ करोड ४५ लाख ५८ हजार ६५२ रुपैया बक्यौता देखिएको बितरण प्रमुख यादबले बताए ।
बिधुत महसुल बुझाउन स्थानिय पालिकाहरुलाइ बितरण प्रमुख यादबले आग्रह गरेका छन ।
यता सडक बती को महसुल बक्यौता तिर्न भन्दै नेपाल विद्युत प्राधिकरणले देशभरका स्थानिय तह लाई सुचना जारी गरेको छ ।
दोस्रो स्थानीय निर्वाचन २०७९ पछि देशभरीका नगरपालिका र गाउँपालिकाले नेपाल विद्युत प्राधिकरणको ऐन विपरीत हकिंग गरि सडक बत्ती जडान गर्ने होडबाजी बढ्दै गएको र उक्त बत्तीको विद्युत शक्ति मापन हुन नसक्दा साथै मापन गरिएको विद्युत खपतको समेत महसुल भुक्तानी बुझाउन बाकीले प्राधिकरणले अत्याधिक मात्रामा नोक्सानी व्यहोर्नुपर्ने अवस्था आएकोले महानगरपालिका, उप महानगरपालिका ,नगरपालिका गाउँपालिका र वडा कार्यालयहरूमा अत्यन्त जरुरी सूचना जारी गरेको जनाएको छ ।
प्राधिकरणले सडक बत्तीको बाँकी बक्यौता विद्युत महसुल शीघ्र भुक्तानी गर्न, वितरण केन्द्रहरूको सहमति नलिई विद्युत लाइनबाट सडक बत्ती जडान नगर्न , जडित सडक बत्तीको विद्युत खपत मापन गर्न शीघ्र मिटर जडान गर्न ,सडक बत्ती सम्बन्धी अन्य थप जानकारीका लागि सम्बन्धित वितरण केन्द्रमा सम्पर्क सुचित गरेको छ ।
प्राधिकरणले सडक बत्तीका लागि सिङ्गल फेज इनर्जी मिटर प्राधिकरणले निःशुल्क उपलब्ध गराउने,एउटा सिङ्गल फेज इनर्जी मिटरबाट १०० वाटको ५० वटाभन्दा बढी सडक बत्तीको विद्युत खपत मापन गर्न सकिने हुँदा प्रत्येक सडक बत्तीलाई छुट्टाछुट्टै इनर्जी मिटर उपलब्ध नगराइने र मिटरको क्षमता तथा सडक बत्ती जडान गरेको क्षेत्रको आधारमा सम्बन्धित वितरण केन्द्रसँग समन्वय गरी स्थानीय निकायले छुट्टै केवल तानी सडक बत्तीका लागि मिटर जडान गर्नु÷गराउनुहुन समेत अनुरोध छ ।सडक बत्तीमा मिटर जडान नगरेमा वा विद्युत महसुल बाँकी बक्यौता भुक्तानी नगरेमा प्रचलित नियमानुसार कारवाही हुने समेत प्राधिकरणले सुचनामा उल्लेख गरेको छ ।
