रौतहट १८ माघ/ बृन्दावन नपाका एक युवक केहिदिन देखि हराएको उनको परीवारजनले जनाएका छन ।
गत शनिबार अर्थात माघ १४ गते देखि रौतहटको बृन्दावन नगरपालिकाको वडा नम्बर ३ बिश्रामपुरका बर्ष २१ का लक्ष्मी चौरसिया जंगलमा दाउरा काटन साइकल र बन्चरो लिएर गएको तर घर नफर्केको पारिवारिक स्रोतले जनाएको छ ।
घर नफर्किएका चौरसियाको परिबार आफन्तहरुले खोजी गर्दा फेला पार्न नसकेको परिवारजन बताएका छन ।
शनिबारबाट हराइ रहेका युवकको आइतबार खोजी गर्दा फेला नपरेपछि सोही दिन परीवारजनले नै प्रहरी चौकी रमौलीमा जानकारी गराएको वडा नम्बर २ का प्रत्यासी वडा अध्यक्ष बिनोद चौरसियाले जानकारी दिएका छन ।
सोमबार प्रहरीसहित आफन्तहरुसंगै गाउलेहरुले संयुक्त रुपमा जंगलमा खोजी युवकको अबस्था अज्ञात रहेको प्रहरीले जनाएको छ ।
हराएको युवकको खोजी कार्यमा प्रहरीले चासो नदेखाएको प्रत्यासी वडा अध्यक्ष चौरसियाको गुनासो छ ।
प्रहरी प्रशासन,संग हराइरहेका युवकको खोजीमा सहयोग गरि दिन आफन्तहरुले आग्रह गर्दै आएका छन ।
शनिवार देखि बलेरी जंगलबाट हराएका युवक भेटीएनन
