मुकेश कुमार साह,रौतहट २७ माघ । माउन्ट एभरेस्ट बिद्यालय चन्द्रनिगाहपुरले अायोजना गरेको सप्ताह ब्यापी खेलकुद प्रतियोगिता सम्पन्न भएको छ । ५औं खेलकुद सप्ताह अन्तर्गत भएको सो खेलमा पहिलो, दोस्रो र तेस्रो हुने खेलाडीहरुलाई पुरस्कार बितरण गरिएको छ ।
विद्यालयमा आयाेजित एक कार्यक्रममा अतिथि
जनज्योति क्यामपसका पुर्व प्रमुख योगेन्द्र यादव,क्यामस प्रमुख राजन श्रेष्ठ तथा अधिबक्ता गणेश पाण्डेले पदक तथा प्रमाणपत्र वितरण गरेका थिए । खेल जिवनको महत्वपुर्ण अङ्ग रहेको र यसले विद्यार्थीहरुमा स्वस्थ प्रतिस्पर्धा गर्न सिकाउने धारणा कार्यक्रममा उपस्थित बक्ताहरुले राखेका थिए । साे कार्यक्रमकाे सभापतित्व विद्यालयका संचालक उमेश बासकोटाले गरेका थिए । विद्यालयले पढाइ सँगसँगै खेलकुदमा पनि उत्तिकै महत्त्व दिइरहेको भन्दै विद्यार्थीलाई खेलाडी बन्न विद्यालयले सकारात्मक वातावरण सृजना गरिरहेकाे बासकोटाले जिकिर गरे । बिधालयमा अध्यनरत कक्षा ११ र १२ का बिद्यार्थीहरुलाई फुटबल,ब्याडमिन्टन,म्याराथन,भलीवल,हाई जम्प-लङ जम्प,क्रिकेट तथा सुटअप खेल खेलाईएको प्लस टु संयोजक बिमल दाहालले बताए ।
खेलकुद प्रतियोगिताका बिजेताहरुलाई पुरस्कार वितरण
