रौतहट,२० माघ । गएराति चन्द्रपुरमा छोराले बाबुको हत्या गरेकाछन् । घरायसी विवादमा चन्द्रपुर नगरपालिका –६ का ३२ वर्षीय प्रकाश राईले बुबाको हत्या गरेका प्रहरीले जनाएको छ ।
राईले दाउराको चिर्पटले टाउकोमा प्रहार गरेर ५५ वर्षीय बुबा निरकुमार राइको हत्या गरेको प्रहरीले जनाएको छ ।
बाबुको हत्या गरेको आरोपमा राईलाई राति नै प्रहरीले हिरासतमा लिएर अनुसन्धान थालेको छ ।
बाबु र छोरा बीच राति विवाद हुँदा छोरा प्रकाशले दाउराको चिर्पटले हानेका थिए ।
बुबा निर कुमारको टाउको, निधारको दाहिने भाग, बायाँ गालामा गम्भीर चोट लागेर घाइते भइ तत्काल चन्द्रपुर अस्पतालमा उपचारका लागि लगिएकोमा मृत्यु भएको इलाका प्रहरी चन्द्रनिगाहपुरले जनाएको छ ।
इलाका प्रहरी कार्यालय चन्द्रनिगाहपुरले छोरा प्रकाशलाई नियन्त्रणमा लिएको चन्द्रपुरका डिएसपी सन्तुप्रसाद जयसवारले जानकारी दिए ।
