राेैतहट २२ माघ। हात्तीपाईले राेग विरुद्वको औषधी खुवाउने अभियानकाे जिल्ला स्तरीय याेजना तर्जुमा गाेष्ठी गौरमा सम्पन्न भएको छ ।
स्वास्थ्य कार्यालय राैतहटले आयोजना गरेको गाेष्ठीमा सबै स्थानिय तहका नगर प्रमुख/उप प्रमुख ,प्रमुख प्रशासकीय अधिकृत र स्वास्थ्य संयोजक जिल्लाका फोकल पर्सन, इपिडिमियोलोजी तथा राेग नियन्त्रण महाशाखा, आर टी आई साथै विश्व स्वास्थ्य संगठनका प्रतिनिधि हरुको सहभागिता रहेको थियो ।
जिल्लामा फाल्गुन ११ गते देखि २५ गते भित्र घर घरमै गई औषधी खुवाईने कार्यक्रम रहेका छ ।
इपिडिमियोलोजी तथा राेग नियन्त्रण महाशाखाका जनस्वास्थ्य अधिकृत राम कुमार महतो तथा आर टि आई प्रमुख धर्मपाल रमणका अनुसार जिल्लामा जनसंख्या लगभग ८ लाख ४८ हजार छ ।
जस मध्य २ वर्ष भन्दा कम, सिकिस्त विरामी, गर्भवती महिला, सात दिने सुत्केरी र गम्भीर रोग लागेका व्यक्ति हरुले बाहेक सबै लाई औषधी खुवाउने कार्यक्रम रहेको छ ।
यसपटक सबैलाई औषधि खुवाउने योजना रहेको स्वास्थ्य प्रमुख सुरेश यादवले बताए ।
औषधी मधेश प्रदेशका राैतहट,सर्लाही, महोत्तरी, बारा र धनुषा सहित देशका १५ जिल्लामा एकै साथ खुवाईनेछ।
हात्तीपाईले राेग विरुद्धको औषधी पटक पटक खुवाउदा मानिसले नखाई दिदा पुन: अभियान सञ्चालन गर्नु परेकाे स्वास्थ्य कार्यालय भनाइ छ ।
हात्तीपाईले राेग निवारण गर्न औषधी सेवन अभियान शुरु हुने
