रौतहट ३ फागुन ।प्रहरी गस्ती टोलीले रौतहट को गौर नगरपालिका वडा नं. ४ दालमिल स्थित मोहन अग्रवालको वगैचा रहेको खाली जग्गा बाट सौफि मदिरा बरामद गरेको छ ।
स्कारपियो जीपमा सौफी रक्सी लोड गरीरहेको अवस्थामा भारत विहार राज्य जिल्ला मोतिहारी ग्राम पचपकडी वडा नं. १३ वस्ने वर्ष ४५ को नरेश महतो, वर्ष २४ को ओम प्रकाश कुमार र कसवाकपुर पकरी वडा नं. १६ वस्ने वर्ष २५ को एमडी सलमानलाई प्रहरीले नियन्त्रण लिएको छ ।
चौध हजार दुई सय पचास वरावरको ५ सय ७० बोतल सौफी रक्सी र नौ लाख वरावरको एउटा स्कारपियो गाडी प्रहरीले बरामद गरेको जनाएको छ ।
सौफी रक्सी र स्कारपियो र ३ तीनै जनालाई आवश्यक कारवाहीको लागी गौर भन्सार कार्यालय बुझाईएको डिएसपी सुनिल मल्लले जानकारी दिएका छन ।
