मोटरसाईकल अनियंत्रित भई दुर्घटना हुँदा एकको मृत्यु

मुकेश कुमार साह,रौतहट २३ माघ । पुर्व-पश्चिम् राजमार्गको धन्सार नजिक मोटरसाईकल अनियन्त्रित भई दुर्घटना हुँदा एकजनाको मृत्यु भएको छ । मृत्यु हुनेमा हरिवन नगरपालिका-७ सर्लाहीका किरण घिसिङ लामा रहेका छन । पुर्वबाट पश्चिम तर्फ जादै गरेको मधेश प्रदेश ०४-००१-प ३५५७ नम्वर गरेको मोटरसाईकल आफै अनियंत्रित भई करिव साझ ६ बजे दुर्घटना भएको जिल्ला ट्राफिक कार्यलय रौतहटका प्रमुख बिमला कठायतले जानकारी दिईन् । सो दुर्घटनाबाट गम्भिर घाईते भएका मोटरसाईकल चालक लामाको चन्द्रपुर हस्पिटलमा उपचारको क्रममा आईतवार राती ८ बजे मृत्यु भएको कठायतले बताइन् । मृत्यु भएका घिसिङ्ग बाराको निजगढ स्थित होलि एन्जल्स इङलिस बोर्डिङ स्कुलमा शिक्षकको रुपमा कार्यरत थिए । घटनाको सम्बन्धमा ईलाका प्रहरी कार्यालय चन्द्रनिगाहपुरबाट थप अनुसन्धान भईरहेको प्रहरीले जनाएको छ ।