रौतहट १२ फागुन । गएको१० गते करिव ७ बजेतिर परोहा न.पा.६ कलभट पुल नजिक मानसिक सन्तुलन ठिक नभएको मागि खाने मानिस घाइते भइ उपचारको क्रममा मृत्यु भएको र हाल सम्म पहिचान नखुलेको प्रहरीले जनाएको छ ।
घर ठेगाना नखुलेको अन्दाजी वर्ष ६० को पुरुष व्यक्तिलाई सवारी साधनले ठक्कर दिदाँ गम्भिर घाईते भई प्रादेशिक अस्पताल गौरमा उपचारको क्रममा मुत्यु भएकोमा उक्त शव प्रादेशिक अस्पताल गौरमा राखिएको हुँदा चिन्न हुने महानुभावहरुले फोन नं.१०० अथवा ९८५५०४०९९९ मा सम्पर्क गरी जिल्ला प्रहरी कार्यालय, रौतहटमा आई सनाखत का लागि सहयोग गरिदिन प्रहरीले अनुरोघ गरेको छ ।
घटनाको अनुशन्धान र ठक्कर दिने सवारीको खोजी भैरहेको प्रहरीले जनाएको छ ।
बेवारिसे एक व्यक्तिको दुर्घटनामा मृत्यू
