रौतहट ६ फागुन । चन्द्रपुर नगरपालिका–१ स्थित मंगलपुरमा बाढीपीडितका लागी सरकारले बनाइदिएको घर पिडितहरुले बेच्न थालेका छन ।
जीवनयापन असहज भएको भन्दै विस्थापित भएका उनीहरू घर बेचेर हिड्न थालेका छन ।
काम केही नभएपछिको पैसाको अभाव भएपछि भोज सहनीले स्थानीय होमबहादुर वाइबालाई २ लाखमा घर बेचेकाे बताएका छन ।
सरकारले घर बनाइदिए पनि रोजगारी नदिएको को ले परिवार पाल्न नसकेकाले बेच्नु परेको सहनीले बताए ।
बिस २०५० सालमा वागमती नदीमा आएको बाढीले तात्कालिन गढौ गाबिस का करिब ५ सय घर बगायो ।
घर बगाएपछि बिचल्ली भएकाहरुलाइ चीन सरकारको चुची फाउन्डेसनले अहिलेको चन्द्रपुर–१ स्थित मंगलपुरमा ३ सय परिवारलाई बसोबास हुने गरी पक्की घर बनाइएको थियो ।
उनीहरूलाई १२ धुर जग्गासमेत दिइएके छ । २ दशक बढी समय त्यही बिताउँदै आएका बाढीपीडितले पछिल्लो समय धमाधम घर बेचेर हिँड्न थालेका छन् ।
बाढी पीडितलाई दिएको ३० भन्दा बढी घर बिक्री भएपछि त्यहाँ पुरानो घर भत्काएर ठूला पक्की घर बन्न थालेको स्थानिय बताउछन ।
दाताले सहयोग गरेको घर आर्थिक अवस्थाको कारण देखाउँदै विस्थापितले ३ लाखसम्ममा बेचेर हिँडेको पाइएको छ ।
रोजगारीको कारण देखाउँदै बाढीपीडित हरेश्वर सहनीले गत वर्ष १८ हजारमै स्थानीय भिखारी देवीलाई घर बेचेर हिँडेको बताउछन ।
चन्द्रपुर वडा नम्बर १ का अध्यक्ष बलराम राउतले धेरैजसो बाढीपीडितले घर बेचेर हिँडेको सुनाउछन ।
खान लगाउन समस्या भएपछि घर बेचेर पुरानै गाउँतिर धेरै परिवार फर्केका छन वडाध्यक्ष राउत ले भने।
बाढीपीडित लाई दिएको घरजग्गाको लालपुर्जा छैन ।खरिद गर्नेहरूले दोब्बरको कागज बनाएर किन्ने गरेका छन ।
वागमती नदीको किनारमा गिट्टीढुंगा संकलन गरेर, माछा मार्ने काम गरेे धेरै परिवारले पेट पाल्दै आएका छन ।
