मुकेश कुमार साह
रौतहट २७,माघ
रौतहटको गुजरा नगरपालिका–२ रङ्गपुरमा निःशुल्क आँखा शिविर सञ्चालन भएको छ । नेपाल नेत्र ज्योती संघ गौर आखा अस्पतालको आयोजना तथा Dak Foundation को आर्थिक सहयोगमा सञ्चलित सो शिविरमा २ सय ४५ जनाको आँखा परिक्षण गरिएको थियो । रङ्गपुर स्वास्थ्य चौकोमा भएको परीक्षणमा ६५ जनामा मोतियाबिन्दु फेला परेको स्थानिय सहयोगी सुरेन्द्र तिमलसिनाले बताए ।
मोतिया बिन्दुको समस्या देखिएका बिरामीको गौरमा निःशुल्करुपमा शल्यक्रिया हुने बताइएको छ । शिविरबाट अति गरिब, विपन्न, दलित तथा पछाडि परेका समुदायको नागरिकलाई प्रत्यक्ष लाभ पुग्ने गुजरा नगरपालिका वडा न.२ का वडा अध्यक्ष अशोक चौधरीले बताए ।
वडा अध्यक्ष चौधरीले उद्घाटन गरेको शिविरमा सुनिल पौडेल,प्रेम खपाङ्गी मगर,रामबाबु साहलगायतले बिरामीको आँखा परीक्षणमा सहजीकरण गरेको स्थानिय सहयोगी तिमलसिनाले जानकारी दिए । कार्यक्रमलाई गुजरा नगरपालिकाको समेत सहयोग रहेको छ ।
गुजराको रंगपुरमा निशुल्क आँखा शिविर सम्पन्न
