रौतहट, २८ माघ । फतुवा विजयपुर नगरपालिकाको वडा नम्बर ८ मा अवस्थित श्री आधारभूत विद्यालय बुनियादमा १२ कोठे भवनको शिलान्यास गरिएको छ ।
मधेश प्रदेशको गृह तथा सञ्चार राज्य मन्त्री केशव राय चौधरीले शुक्रवार एक कार्यक्रमका बीच भवनको शिलान्यास गरेका हुन् ।
राष्ट्रपति शैक्षिक सुधार कार्यक्रम अन्तर्गत सो विद्यालयमा १८ लाखको लागतमा १२ कोठे भवन निर्माण हुन लागेको विद्यालयका प्र.अ. मुक्तिनारायण चौधरीले जानकारी दिएका छन ।
विद्यालय भवनको शिलान्यास कार्यक्रममा बोल्दै राज्यमन्त्री चौधरी ले निर्वाचित क्षेत्रको विकासका लागि पहिलो पुर्वाधार भौतिक निर्माण भएकाले सो कार्य तीव्र गतिमा अघि बढिरहेको बताए ।
आउने दिनमा भौतिक निर्माणसँगै शैक्षिक र सामाजिक विकासतर्फ आफ्नो ध्यान केन्द्रीत रहेको राज्यमन्त्री चौधरीले बताए।
फतुवा बिजयपुरमा स्कुल शिलान्यास
