रौतहट १७ पुस। प्रहरीले रौतहट बाट ९१ किलो लागुओषध गांजा बरामद गरेको छ ।
रौतहटको राजपुर नगरपालिका १ पिपरा भगवानपुर स्थित पिपरा टोल बाट गांजा बरामद भएको हो ।
लागु औषध गाँजा को सुचना पाएर गएको जिल्ला प्रहरी कार्यालय, गौर बाट खटेको प्रहरी टोलीले बलेरो जीपमा राखेर लैजादै गरेको गाांजा फेला पारेको हो ।
जेएच १० एक्स ४२१२ नम्बरको भारतिय सेतो बलोरो गाडीमा लुकाएर राखेको १३ पोका अर्थात ९१ किलो अवैध लागु औषध गाँजा फेला पारेको रौतहटका डिएसपी उमाशंकर प्रसाद यादव ले बताएका छन ।
गांजा बरामद भएको नजिकै बिआर ३० यु ०४७४ नम्वरको मोटरसाईकल बेवारीसे अवस्थामा फेला परेको प्रहरीले जनाएको छ ।
लागु औषध गाँजा, बरामद बलोरो जीप र मोटरसाईकल बरामद गरी अनुसन्धान भईरहेको जिल्ला प्रहरी कार्यालय रौतहटले जनाएको छ ।
