रौतहट, ९ माघ । दुर्गा भगवती गाउँपालिकाद्धारा जारी अध्यक्ष कप जिल्ला स्तरिय नक आउट टि २० क्रिकेट प्रतियोगितामा सोमवार भएको खेलमा गरुडा नगरपालिकाले राजपुर नगरपालिकालाई १ सय ३७ रनको अन्तरबाट हराएकाे छ ।
दुर्गा भगवती गापाको सरस्वती मावि पिपरा भलोहियामा जारी जिल्ला स्तरिय अध्यक्ष कप अन्तर्गतको खेलमा गरुडाले टस जितेर पहिलो ब्याटिंग गर्न राजेकाे थिए ।
निर्धारित २० ओभरको खेलमा ८ विकेटको क्षतिमा १८७ रनको विशाल योगफल तयार पारे । जुन राजपुरका टिमले बनाउन नसकी १३७ रनको ठूलो अन्तरबाट हार बेहोर्न बाध्य भए ।
जवाफी ब्याटिंगमा उत्रिएका राजपुरको टिम १३ ओभरमा अलआउट हुदै ५० रन बनाउन सके ।
गरुडाको लागि विक्की साहले उत्कृष्ट बलिंगको प्रदर्शन गर्दै ४ विकेट लिएकोमा उनलाई आजको म्यान अफ दि म्याच घोषित गरेको आयोजक समितिका सदस्य बेदानन्द ठाकुरले जानकारी दिए ।
दुर्गा भगवती गाउँपालिकामा संचालित जिल्ला स्तरिय अध्यक्ष कपमा १८ वटै पालिकाको टिम सहभागी छन ।
राजपुरलाई गरुडाले हराए
