रौतहट २९ पुस ।प्रहरीले रौतहटको विभिन्न नाका बाट अवैध समान तथा मदिरा बरामद गरेको छ ।
करीव १२, लाख ९१ हजार बराबरको सौफी रक्सी लगायतका सर सामानहरु बरामद गरेको प्रहरीले जनाएको छ ।
प्रहरी चौकी बेलविछुवाबाट संयुक्त रुपमा खटिएको प्रहरी गस्ती टोलीले राजदेवी नगरपालिका वडा नं. ८ दशगजा नजिक पुग्दा बिआर ०६ पि ६७८० नम्बरको बोलेरो जिप गाडिमा सौफि रक्सी लोड गरी नेपालबाट भारत तर्फ लैजादै गरेको अवस्थामा प्रहरी टोलिलाई देख्नसाथ बोलेरो जिप वेवारीसे अवस्थामा छाडी चालक फरार भएको प्रहरीले जनाएको छ ।
बोलेरो जिप भित्र लोड रहेको १ सय २२ कार्टुन सौफी रक्सी बरामद गरेको छ ।
मदिराको मुल्य एघार लाख सन्तावन हजार छ सय बराबरको बोलेरो जिप, सोफी रक्सी बरामद गरेको जनाएको छ ।
यस्तै भारतबाट बिआर ०५ के १२३३ नम्बरको मोटरसाईकलमा चिनी, खाने तेल, सुर्ती र बच्चाहरुको खेलौनाहरु भन्सार छली गरि नेपाल तर्फ ल्याउँदै गरेको अवस्थामा प्रहरी टोलिलाई देख्नसाथ मोटरसाइकलमा लोड रहेको सरसामानहरु छाडी चालक फरार भएका छन ।
उक्त समान चौरानब्बे हजार चालिस रुपैया रहेको प्रहरीले जनाएको छ ।
बरामद समान हरु पुस २९ गते गौर भन्सार कार्यालयमा बुझाईएको जिल्ला प्रहरी कार्यालयका डिएसपि सुनिल मल्लले जानकारी दिएका छन ।
भन्सार छलेको १२ लाख भन्दा बढीको सामान बरामद
