बारा ,२१ पुष //
बारामा स्कोरपियोको ठक्करबाट एक जना तरकारी व्यवासायीको मृत्यु भएको छ, भने अन्य दुई जना महिला घाईते भएका छन् । मृत्यु हुनेमा जीतपुरसिमरा १६ टांगियाबस्तीका ४५ वर्षीय राजेन्द्र माझी रहेको प्रहरीले जनाएको छ ।
आज (बिहिवार )बिहान पथलैया–निजगढ सडकखण्ड अन्तर्गत पसाहा पुल नजिक दुर्घटना हुदा तरकारी बेच्न निस्केका माझीको घटनास्थलमै मृत्यु भएको प्रहरीले जनाएको छ ।
निजगढबाट पथलैयातर्फ आउदै गरेको ग२च ४४१३ नम्बरको स्कोरपियोले प्रदेश २–०३ ००२प ४५८७ नम्बरको मोटरसाईकल र साइकललाई एकै ठाँउमा ठक्कर दिएको थियो ।दुर्घटनामा २८ वर्षीया सोनिया योञ्जन र रुपा आलेमगर घाईते भएका छन् ।
घाईतेलाई सिमरास्थित अल्पाईन अस्पतालबाट थप उपचारका लागि चितवन लगिएको छ ।
