जनकपुर १६ माघ /धनुषाको क्षिरेश्वरनाथ नगरपालिका महेन्द्रनगर स्थित ईलाका प्रहरी कार्यालय महेन्द्रनगरको थुनुवा कक्षबाट ६ जना फरार भएका छन ।
विभिन्न अपराधी घटनामा पक्राउ परेका ७ जना मध्य ६ जना फरार भएको प्रहरीले जनकारी दिएको छ ।
फरार हुनेमा विनोद कुमार शर्मा,अमित मण्डल,रोशन यादव ,हरिवित सिंह , रोशन महतो र शंकर सिंह रहेका छन।
क्षिरेश्वरनाथ नगरपालिका महेन्द्रनगर विच बजारमा रहेको ईलाका प्रहरी कार्यालयको थुनुवा कक्षबाट आइतवार राति करिब १ बजे थुनुवा कक्ष भित्र रहेको शौचालयको भेन्टिलेटर फोरेर फरार भएको प्रहरीले जानकारी दिएका छन ।
दुई जना हातहतियार, दुई जना लागुऔषध र अभद्र व्यवहारका दुईजना गरी ६ जना थुनुवा फरार भएका हुन्।
उनीरुको खोजी कार्य जारी रहेको जिल्ला प्रहरी कार्यालय धनुषाका प्रवक्ता डीएसपी प्रदीपबहादुर क्षेत्रीले जानकारीदिए।
ईलाका प्रहरी कार्यालय महेन्द्रनगर बाट ६ जना थुनुवा फरार
