रौतहट २४ पुस। अन्होतिलाल माध्यमिक विद्यालय परोहा नगरपालिका– ६ को नव निर्मित भवनको उद्घाटन भएको छ ।
परोहा नगरपालिकाका तथा छाया नेपाल को सहकर्यमा भवन निर्माणकार्य सम्पन्न भएको हो ।
नवनिर्मित भवनको परोहा नगरपालिकाका मेयर शेख वकिल तथा रौतहट प्रमुख जिल्ला अधिकारी कृष्ण बहादुर शाही र छाया नेपालको कार्यकारी निर्देशक कमल थापाले संयुक्त रुपमा उद्घाटन गरेका छन ।
करिव ४७ लाख लागतमा निर्माण सम्पन्न भएको ८ कोठे भवनमा छाया नेपालको कुल ४० लाख र परोहा नगरपालिकाको ७ लाख लागतमा निर्माण भएको हो ।
कार्यक्रम लाई प्रमुख अतिथिको रूपमा सम्बोधन गरिदै मेयर शेख वकिलले छोरीलाई शिक्षा तिर आकर्षित गर्न विधालयमा छात्रालाई नि:शुल्क पोशाक वितरण तथा मधेश प्रदेशमै शिक्षा क्षेत्रमा सबभन्दा पिछडिएको परोहा नगरपालिकाले शिक्षा तर्फ परिवर्तन गरेको बताए ।
विधालय भवन निर्माण, जग्गा खरिद, व्यवस्थित पठनपाठन, दक्ष शिक्षक शिक्षिका तथा गुणस्तरीय शिक्षामा यस नगरपालिकाले विशेष जोड दिएको मेयर शेख वकिलको भनाइ छ ।
कार्यक्रममा विद्यालयको तर्फबाट सबै लाई मायाको चिनो साथ सम्मान गरीएको छ ।
कार्यक्रममा परोहा नपाका मेयर शेख वकिल, प्रशासकीय अधिकृत मकबुल, छाया नेपालका सम्पुर्ण टिम, अन्होतिलाल बिधालयका शिक्षक शिक्षिका, बिधार्थीको उपस्थिति रहेक थियो ।
