रौतहट, २४ पुस । गरुडा नगरपालिकाले जग्गाधनी संग अनुमती नलिइ निजि जग्गामा बलपूर्वक बाटो बनाएको छ ।
बलपुर्क बाटो बनाएको वडा नम्बर २ का रामचन्द्र साह कानु र रामबाबु साहको गुनासो रहेको छ ।
पिडितले आफु माथि अन्याय भएको भन्दै मधेस प्रदेश प्रहरी कार्यालय जनकपुरधाम र नेपाल पत्रकार महासंध रौतहट शाखामा आईतबार निवेदन दिएका छन ।
गरुडा नगर प्रमुख कन्थमणी जयसवालको साथै ईलाका प्रहरी कार्यालय गरुडाले मिलोमतो गरी रौतहट जिल्ला अदालतको आदेश समेत कार्यान्वयन नगराएको गुनासो पिडितले निवेदन मार्फत लगाएका छन ।
रौतहट जिल्ला अदालतका न्यायाधीश बाबुकाजी बानियाको ईजलासले २०७९ मसिर १६ गतेका निषेधाज्ञा आदेश गर्नु हुँदै निवेदकको नाममा दर्ता रहेको किता नम्बर १६८५ र किता नम्बर १६८७को जग्गामा पर्ने गरि कुनै पनि किसिमको निर्माण कार्य नगर्नु नगराउनु भनि रोक लगाएका थिए ।
अदालतले निषेधाज्ञा आदेश गरेपछि पनि गरुडा नगरपालिका वडा नम्बर ५ का विनोद जयसवाल लगायतले बाटो निर्माण कार्य जारी नै राखेकोमा आवश्यक कार्यवाहीको माग सहित बाटो निर्माण कार्य रोक्का गराई निर्माण सर समान हटाई लैजान समेत विपक्षीमा पहलका लागि पिडितले अनुरोध गरेका छन ।
निजि जमिनमा बलपुर्वक बाटो निर्माण
