रौतहट, ३ माघ ।दुर्गा भगवती गाउँ पालिकामा जिल्ला स्तरिय टि-२०क्रिकेट नक आउट प्रतियोगिता मंगलवार देखि शुरु भएको छ ।
दुर्गा भगवती गाउँपालिकाद्वारा जिल्ला स्तरिय अध्यक्ष टि-२० क्रिकेट नकआउट प्रतियोगिता सरस्वती उमावि पिपरा भलोहियामा शुरु भएको छ ।
टि-२० क्रिकेट नकआउट जिल्ला स्तरिय अध्यक्ष कपको प्रदेश सासद युवराज भट्टराई (समीर) ले उदघाटन गरेका छन ।
दुर्गा भगवती गाउँ पालिकाको अध्यक्ष शम्भु सिहको अध्यक्षतामा सुरु भएको क्रिकेट प्रतियोगिताको उदघाटन सत्रमा स्वागत गर्दै वडा नम्बर ३ का अध्यक्ष धर्मेन्द्र कुमार झा (डिके झा) ले विगत ५ बर्षमा नभएको काम छोटो अबधिमा पूरा गरेर युवाहरुको अनुहारमा मुस्कान ल्याउन सफल भएको दावि गरेका छन ।
निकट भविष्यमा प्रदेश स्तरिय क्रिकेट प्रतियोगिता गराउने पालिकाबाट आवश्यक पहल भईरहेको उनले बताए ।
सो कार्यक्रममा उपाध्यक्ष शिला देवी, वडाध्यक्षहरु प्रदुमन चौधरी, शुरेश चौधरी, धरमनाथ चौधरी, हेमचन्द्र झा, युवा नेता रौशन झा लगायतका सम्पूर्ण खेलप्रेमी, स्थानीय बासिन्दाहरुको उपस्थिति रहेको थियो ।
आजको खेल दुर्गा भगवती र यमुनामाई को टिम विच भएको छ ।
दुर्गाभगवतीमा क्रिकेट प्रतियोगिता शुरु
