सिरहा, २३ मङ्सिर /
सिरहामा पिकअपको ठक्करबाट एक पैदल यात्रीको मृत्यु भएको छ भने अन्य एकजना घाइते भएका छन् ।
मृत्यु हुनेमा धनुषाको जनकपुरधाम उपमहानगरपालिका २३ का २४ वर्षीय मुकेश साह रहेका छन् । यस्तै २२ वर्षीय विवश खनाल घाइते भएका छन्।
बिहीबार राति लहान नगरपालिका ३ मा बा १९ च ६९३२ नम्बरको पिकअपले पैदल यात्रीद्वयलाई ठक्कर दिंदा गम्भीर घाइते भएका मुकेश र विवशलाई उपचारको लागि धमिनी अस्पतालमा लगिएको थियो। मुलेशको उपचारको क्रममा सोहि अस्पतालमा मृत्यु भएको प्रहरीले जनाएको छ।
सवारी साधन र चालक प्रहरीको नियन्त्रणमा रहेको र घटना सम्बन्धमा थप अनुसन्धान भइरहेको इलाका प्रहरी कार्यालय लहानले जनाएको छ ।
