सर्लाही , २१ मंसिर //
सर्लाहीको लालबन्दी नगरपालिका–१, नवलपुर बजारमा घरको छतबाट खस्दा एक जनाको मृत्यु भएको छ ।
मृत्यु हुनेमा धनुषाको वीरेन्द्रबजार घरभई हाल नवलपुरस्थित सञ्जय साहको घरमा डेरा गरेर बस्ने ५० वर्षीय भरत लामा रहेका छन्।
मंगलबार साँझ घरको दोस्रो तलबाट खसेर गम्भीर घाइते भएका लामाको उपचारका क्रममा राति नमूना अस्पताल हरिवनमा मृत्यु भएको इलाका प्रहरी कार्यालय लालबन्दीले जनाएको छ ।
कोठाको चाबी हराएपछि खोजी गर्ने क्रममा लामा साँझ ७ः३० बजेतिर अचानक छतबाट खसेका प्रत्यक्षदर्शीले बताएका छन् । उनी वैदेशिक रोजगारीबाट दुई साताअघि मात्रै घर फर्किएका थिए ।
