रौतहट २९ मंसिर / रौतहट क्षेत्र नं. ३ मा स्वतन्त्रबाट निर्वाचित सांसद तथा पुर्वमन्त्री प्रभु साहले नव निर्मित वडा कार्यलय भवनको उदघाटन गरेको छ ।
मौलापुर नगरपालिकाको वडा नं. ९ सोनरनियामा नेता साहले भवन उद्घघाटन गरेका छन ।
शहरी बिकाश तथा भवन निर्माण बिभागको कुल ६१ लाखको लागतमा निर्माण गरिएको सो वडा कार्यलय भवन उद्घाटन भएको हो ।
मौलापुर नगरपालिकाका निमीत प्रमुख प्रशासकिय अधिकृत रामबाबु साहले २०७६/७७ सालमा अनुमानित २० लाखको लागतमा १४ धुरमा शिलान्यास गरिएको भवनको लागि बिभिन्न चरणमा बजेट थप गरि निर्माण सम्पन्न भएको बताए ।
निर्माणकार्यलाई २०७७/०७८ मा १८ लाख २०७८/०७९ मा १५ लाख र आर्थिक वर्ष २०७९/०८० मा थप ८ लाख थप गरि निमार्णकार्य पुरा गरिए पश्चात उदघाटन गरिएको मौलापुर नगरपालिकाका प्रमुख प्रशासकिय अधिकृत रामबाबु साहले बताए ।
वडा कार्यलय भवनमा वडा अध्यक्ष बस्ने कोठा १, कम्प्युटर कक्ष १, पञ्जिकरण कक्ष १, दुई सय जना अटाउने सभाहल १, शौचालय ३ वटा रहेको छ ।
उदघाटन कार्यक्रममा रौतहट क्षेत्र नं. ३ (क) बाट स्वतन्त्रबाट निर्वाचित प्रदेश सभा सासद केशव चौधरी, क्षेत्र नं. ३ (ख) का पुर्व सासद कुन्दन कुशवाहा, मौलापुर नगरपालिकाकी प्रमुख रिना कुमारी साह, स्वतन्त्र उमेदवार जिताउ अभियानका जिल्ला संयोजक त्रिभुवन साह, लगाएतको उपस्थिती रहेको थियो ।
मौलापुर नपा ९ मा वडा कार्यालय भवनको उद्घाटन
