रौतहट, २१ मंसिर ।
अति विपन्न परिवारलाई सरकारी सेवा र सुविधामा पहुँच पुर्याउनको लागि कटहरीयामा विधुत मिटर वितरण गरिएको छ ।
रौतहटको कटहरिया नगरपालिकाको वडा नम्बर १ मा भूमिहीन सुकुम्बासी परिवारको घरमा विधुत मिटर बक्स जडान गरिएको छ ।
वडा अध्यक्ष भूपेन्द्र महतोले विधुत मिटर वितरण गर्दै मिटर जडान समेत गरिएको छ ।
सो परियोजना अन्तर्गत भसेढवाबाट वितरण सुरु गरिएको छ।
परियोजनाले पहिलो चरणमा कटहरिया नगरपालिकाको वडा नम्बर १,३,४ र ९ नम्बर वडामा २९ वटा मिटर बक्स वितरण गर्ने फिल्ड संयोजक भोला बस्नेतले जानकारी दिए ।
परियोजनाले भूमिहीन दलित र सुकुम्बासी परिवारलाई लक्षित गरि कार्यक्रम सञ्चालन गरिरहेको बस्नेतले बताए ।
मंगलबार सो बडामा भूमिहीन सुकुम्बासी परिवार बिजुली खातुन, हफूजल मिया दर्जी, उर्मिला देवी दास लगायतका परिवारलाई विधुत मिटर बक्स जडान गरिएको छ ।
भूमिहीन सुकुम्बासी २९ परिवारलाई कटहरीयामा विद्युत मिटर जडान
