रौतहट ६ पुस । चन्द्रपुर ७ स्थित बनबहुअरीमा तीन करोडको लागतमा बनेकी वृद्धा आश्रम संचालन हुन सकेको छैन ।
सघन सहरी विकास मन्त्रालयले तीन करोड खर्च गरेर निर्माण गरेको वृद्धा आश्रम संचालनमा आउन नसकेको हो ।
डिभिजन वन कार्यालय चन्द्रनिगाहपुरको खाली जग्गामा बनेको बुद्धा आश्रम संचलनमा ल्याउनु पर्ने स्थानीय बासिन्दाको माग छ ।
निर्माण सम्पन्न भएको एक बर्ष हुदापनि भवन संचालन नहुदा , के कारणले संचालन हुन नसकेको स्थानियले बुझ्न नसकेको बताउछ छन।
सो भवन खेलकुद एकडेमीका लागि नगरपालिकाले संचालनमा ल्याउनुपर्ने नेपाल फुटबल संघ मधेश प्रदेश समितिका अध्यक्ष नेपाल कार्कीको सुझाव छ ।
करोडौको लागतमा बनेको सो भवन एक वर्षदेखी अलपत्र बनेको छ ।
स्थानीयले भने ७ नम्बर वडामा रहेका सवै सरकारी कार्यालयहरु जस्तै वडा कार्यालय, स्वास्थ्य चौकी, प्रहरी चौकी लगाएतका कार्यालयहरु सो स्थानबाट संचालन गर्न सुझाव दिएका छन ।
चन्द्रपुर नगरपालिकाका मेयर संजय काफ्लेले अवको कार्यपालिका बैठकमा सो भवनलाई कसरी संचालनमा ल्याउने भन्ने विषयमा छलफल गरेर अगाडि बढ्ने बताएका छन ।
बनबोहरीमा तीनकरोडमा निर्माण भएको बृद्धाआश्रम अलपत्र
