बारा , १९ मङ्सिर //
बारामा सिँचाइ कार्यालयको परिसरमा रहेको ५ वटा गाडीका ७ वटा ब्याट्री चोरी भएको छ ।
बाराको कलैया उपमहानगरपालिका वडा नम्बर ५ मा रहेको सिंचाइ कार्यालय परिसरमा रहेका ग्रेडरको १५० एम्पियरका २ वटा ब्याट्री र ५ वटा ट्याक्टरका १०० एम्पिपयरका ५ वटा ब्याट्री चोरी भएको नगर प्रमुख बिनोद साहले जानकारी दिए ।
लगभग ३ लाखको हाराहारीमा पर्ने ब्याट्री चोरी भएको साहले बताए ।
चोरी भएको विषयमा अनुसन्धान शुरु गरेको र यथाशीघ्र चोरलाई पक्राउ गर्ने जिल्ला प्रहरी कार्यालय बाराका प्रहरी नायब उपरीक्षक राजेश थापाले बताए ।
