रौतहट २१ मंसिर ।
वृन्दावन नगरपालिकाको प्रशासनिक भवन निर्माण भई सञ्चालनमा आएको छ।
कार्यालय भवन अभावमा कर्मचारीलाई कामकाज गर्न निकै समस्या हुँदै आइरहेको थियो ।
बुधवार वृन्दावन नगरपालिकाका नगर प्रमुख विनोद प्रसाद कुर्मीले नगरपालिकाको प्रशासनिक भवनको उद्घाटन गरेका छन ।भवनको अभावमा एउटै कोठामा चार वटा सम्म शाखाहरू सञ्चालन हुँदै आएको थियो ।
भवनको अभावमा कर्मचारीलाई कामकाज गर्न समस्या भइरहेको र सेवाप्रवाहमा समेत समस्या हुँदै आएको थियो ।
नवनिर्मित भवनमा प्रत्येक शाखाहरू को छुटाछुटै व्यवस्था गरिएको छ।
उक्त नया भवनमा एउटा सभा हलको छुट्टै व्यवस्था गरिएको छ भने प्रशासन, राजस्व तथा दर्ता चलानी शाखा, सामाजिक सुरक्षा, महिला बालबालिका तथा जेष्ठ नागरिक शाखा,रोजगार सेवा केन्द्र तथा लघुउद्यम शाखा, योजना तथा अनुगमन शाखा, प्राविधिक शाखा र शिक्षा युवा तथा खेलकुद शाखाको छुट्टै व्यवस्था गरिएको छ ।
भवन उद्घाटन कार्यक्रममा नगरपालिकाका प्रमुख प्रशासकीय अधिकृत उपसचिव खिम बहादुर भुजेल, जनप्रतिनिधि, कर्मचारी हरुको सहभागिता रहेको थियो।
वृन्दावनको नवनिर्मित प्रशासनिक भवनको उद्घाटन
