रौतहट, ९ पुस / देवाही गोनाही नगरपालिकामा वक्तृत्वकला तथा सांस्कृतिक नृत्य प्रतियोगिता कार्यक्रम २०७९ सम्पन्न भएको छ ।
नगरपालिकाको वडा नम्बर ३ देवाही स्थित रहेको श्री सुशान्त इंग्लिस बोर्डिङ्ग स्कूलको प्रांगणमा कार्यक्रम आयोजन गरिएको हो । एन. ब्याबसन जिल्ला कार्य समिति रौतहटको आयोजनामा सम्पन्न भएको कार्यक्रमको अध्यक्षता एन प्याब्सनका जिल्ला अध्यक्ष बिगन राय यादवले गरेका थिए ।
कार्यक्रमको प्रमुख अतिथिको रूपमा देवाही गोनाही नगरपालिकाका नगरप्रमुख प्रेमलाल साह थिए ।
विशिष्ट अतिथि प्रदेश सांसद जयचन्द्र पटेल रहेका थिए ।
कार्यक्रमलाई सम्बोधन गर्दै प्रमुख अतिथि मेयर साहले नगरभरि शिक्षाको स्तर उकास्नको लागि आफू हरदम तयार रहेको बताए ।
वक्तृत्वकला प्रतियोगितामा ज्ञानकुञ्ज इंग्लिस बोर्डिङ्ग स्कुलका विकास कुमार यादव प्रथम, डिभाईन लाइट एकेडेमीकी पूर्णिमा कुमारी, ब्राईट इंग्लिस बोर्डिङ्ग स्कुलका प्रितम कुमार पटेल तृतीय स्थान हासिल गरेका छन् ।
दोस्रो खण्डमा नृत्य प्रतियोगितामा डिभाईन लाईट एकेडेमी गरूडाले प्रथम, ज्ञानवाटी बोर्डिङ्ग स्कुल गुजराले दोस्रो र सुशान्त इंग्लिस बोर्डिङ्ग स्कुल तेस्रो स्थान हासिल गरेको छ ।
वक्तृत्वकला तथा नृत्य प्रतियोगिता कार्यक्रम सम्पन्न
